Enchanted river pwede na puntahan

Matapos ang halos isang taon ng pansamantalang pagsasara dahil sab anta ng COVID-19, inanunsyo ng lokal na pamahalaan ng Hinatuan sa Surigao del Sur na magbubukas na ito para sa turista simula ngayong araw, Marso 1.

Pinahintulutan ni Mayor Shem Garay ang lahat ng mga turista sa buong bansa para bisitahin ang popular na destinasyon dito na Enchanted River at iba pang mga beach at rock island resort dito.

Kailangan lang na magpresenta ang mga turista ng patunay ng kanilang pre-booking sa local accommodation na sertipikado ng Department of Tourism, medical certificate at identification card.