Una sa Balita

Duterte nasayo ang pagbalik sa Pilipinas

By
0 413

Inay sa Dominggo nasayo ug usa ka adlaw ang pag-uli sa nasud ni Presidente Rodrigo Duterte gikan sa iyang biyahe sa Israel ug Jordan.

Pero daling gipasabot sa Malacañang nga walay kalabotan kini sa mga isyung politika nga init karon sa nasud.

Matud ni Presidential Spokesman Harry Roque, ang katapusang aktibidad sa Presidente sa Jordan ang pagpakigkita sa Filipino community ug pagkahuman niini midiretso sa airport aron mobalik sa Pilipinas.

Subay sa orihinal nga schedule, Dominggo pa sa buntag ang oag-abot sa Presidente sa nasud.

Apan matud ni Roque nga wala nay himoun ang Presidente pagkahuman makigkita sa mga Filipino karong adlawa (Biyernes) busa midesisyon kini nga mopauli sa Pilipinas.

Adunay usa ka adlaw nga libre si Presidente Duterte aron mosuroy unta sa ubang lugar sa Jordan pero mas gusto kining mopauli sa nasud.

Gilauman nga moabot ang Presidente sa nasud ug iyang ibida ang mga nakuhang trade ug business investments ug agreements gikan sa gobyerno sa Israel ug Jordan. (Jess Campos)