Una sa Balita

Duterte miabot na sa Jordan

By
0 28

Gitapos ni Presidente Rodrigo Duterte ang upat ka adlaw nga pagbisita sa Israel ug mitapon kini sa silingan nga nasud sa Jordan.

Katapusang kalihukan sa Presidente sa Israel mao ang pagbisita sa Open Doors Monument nga gitukod sa ng gobyerno sa maong nasud isio pagdawat sa Pilipinas sa mga mibakwit nga katawhan niadtong World War II aron makaikyas sa kamot ni Hitler.

Ang monumento gidisenyo sa Filipino artist nga si Luis ‘Junyee’ Yee, Jr. nga adunay tulo ka abli nga pultahan ug nga nag-ila sa open doors policy ni kanhi Presidente Manuel L. Quezon alang sa mga Hudyong milayas sa Holocaust niadtong dekada 30.

Sa upat ka adlaw nga pagbisita ni Presidente Duterte sa Israel nagkita ug nakigtigum nila Israeli Prime Minister Benjamin Netanyahu ug Israeli President Reuven Rivlin.

Nahimong highlight sa pagbisita sa Presidente sa Israel ang mga kasabutan nga gipirmahan tali sa duha ka nasud lakip na ang mga investment deal nga nahimo sa mga Filipino business delegation nga nagkanhidad ug kapin sa $82.9 million.

Gibisuta usab ni Digong ug sa iyang pamilya nga si Davao City Mayor Sara Duterte Carpio ang Yad Vashem, ang labing daku nga Holocaust memorial sa Israel.

Lakip sa mga kalihukan sa Presidente sa Jordan ang panagkita sa mga taas nga opisyal, aduna usab silay business forum ug ang pagpakigkita sa Filipino community.