Una sa Balita

Duterte gikatakda nga moluwat ug pamahayag sa publiko ugma

By
0 48

Gusto ni Presidente Rodrigo Duterte nga moluwat ug pamahayag sa publiko kabahin sa isyung giatubang sa kagamhanan sa Martes, Septembre 11.

Matud ni Presidential Spokesman Harry Roque nga gitakda ang pakigpulong sa Presidente sa Martes sa hapon sa Malacañang.

Wala hinoun gibutyag ni Roque kun unsay hisgutan sa Presidente hinuon giawhag ang publiko nga paaboton lang ugma.

Abante Hiring – IT dep

“Well he announced in Davao that he wants to speak to the nation and it is scheduled for tomorrow afternoon. Let’s wait for tomorrow,” matud ni Roque.

Gawas sa taas nga rating sa Presidente sa mga survey nagkadaiyang problema ang giatubang karon sa iyang administrasyon sama pagsaka sa inflation nga maoy hinungdan sa pagsaka sa presyo sa mga nanag-unang palaliton sama sa presyo sa bugas, isda, gulay ug mga karne.

Hinoun gipadayag sa Palasyo nga adunay mga gihimong lakang aron matabangan ang mga kabus nga Filipino, tungod dili pa gihapon mahunong ang ang pagsutoy sa presyo sa mga nanag-unang palaliton.