Una sa Balita

Duterte gihulagway nga desperado, gihiloan ang utok sa publiko – Colmenares

0 210

“Below the belt” na ang personal nga pag-atake ni Presidente Rodrigo Duterte nilang human rights lawyer Chel Diokno ug kanhi Solicitor General Florin Hilbay.

Kini ang reaksiyon ni Bayan Muna chairman Neri Colmenares sa sunod-sunod nga birada sa Presidente sa duha ka opposition candidate.

Dugang pa ni Colmenares, nga gipakita niini ang istilo ug matang sa pagpangampanya sa Presidente nga hugay, brutal ug manimalos.

Matud niya nga desperado si Presidente Duterte aron ilikay ang mahinungdanong isyu sa nasud nga tinguhang hiloan ang utok sa mga Pilipino pinaagi sa pagpamakak ug mga birada.

“It is a desperate move to veer away the electoral discourse from issues that really matter. It is meant to poison the people’s mind with his vulgar lies and innuendos,” matud ni Colmenares.

Nasayran nga gipakagamay sa Chief Executive ang pagka abogado ni Diokno samtang gikuwestiyon ang sex ni Hilbay.

Tungod niini, nanawagan si Colmenares sa publiko nga tun-an ang mga isyu sama sa anti-poor economic policies sa administrasyon ug pro-China policy inay sa mga tirada ug sayup nga akusasyon sa Presidente batok sa mga kandidato. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy