Una sa Balita

Durant, Cousins bayani ng Warriors kontra Heat

By
0 304

IBINAON ni Kevin Durant ang game-tying 3, bago isinalpak ni DeMarcus Cousins ang game-winning free throws at naligtasan ng Golden State Warriors ang Mia­mi Heat 120-118.

Malamig na nag-umpisa ang Warriors Linggo ng gabi, naiwan pa ng hanggang 19 sa first half bago nag-rally sa second half para kumpletuhin ang 11th double-digit comeback ng season.

“We started off sluggish,” pag-amin ni Durant, tumapos ng 39 points. “They made shots, theyNwere excited to play against us. We treated it like it was a Sunday walk in the park.”

Umiskor ng 11 sunod­ si Durant sa stretch bago sumablay sa late 3-pointer. Dinamba ni Cousins ang rebound at nakabingwit ng foul sa put-back attempt 5.4 seconds na lang.

Biyernes ng gabi ay nag-rally din ang Warriors mula 17 down sa first quarter kontra Phoenix.

Dismayado ang Heat dahil nag-double-dribble daw si Durant nang mabitawan ang bola, dinampot at nag-dribble muli bago pinakawalan ang huling 3-point attempt. Pumabor din sa Golden State ang free throws 28-8.

“Those are tough calls to make, but everybody saw it. It’s right there in front of everybody,” lahad ni Fil-Am Heat coach Erik Spoelstra.

Nalamangan ng walo sa fourth quarter ang Miami pero itinabla sa 3 ni Justise Winslow. Nakakuha ng back-to-back steals sina Josh Richardson at Dwyane Wade na parehong tinapos sa layups at abante ang Heat 118-115, 51.5.
Ibinuhol ng 3 ni Durant at isinalpak ni Cou­sins ang big shots matapos sumablay sa long range ang magkabila.
Tumikada si Klay Thompson ng 29 points, may 25 si Stephen Curry sa Warriors.