Una sa Balita

Dugay naabot nga TRAIN Law subsidy, ipasusi ni Senador de Lima

By
0 113

Gitinguha karon ni Senadora Leila de Lima nga susihon sa Senado ang nadugay nga pagpanghatag sa kagamhanan sa subsidy sa apektadong sektor sa pagpatuman sa Tax Reform for Acceleration and Inclusion (TRAIN) Law.

Sa iyang Senate Resolution No. 767, gusto niyang masubay ang hinungdan kun nganong nalangan paghatag ang benepisyo ug gusto usab niyang masuta kun unsay maayong himoun aron mapadali ang paghatag niini.

Sa TRAIN Law, hatagan unta ug tag P200 matag bulan, nga walay bisan unsang kondisyon, ang moabot sa 10 ka milyong labing kabus nga pamilya isip tabang kanila nga naapekhohan sa pagkasa sa buhis sa petrolyo ug pagsaka usab sa presyo sa nanag-unang palaliton.

Giingong anaa pa sa upat ka milyong pamilya ang naila ug nahatagan ug unconditional cash transfer.

Gihatagan usab ug cash voucher ang driver sa mga pampublikong sakyanab apan wala pa kini napatuman tungod kay gihimo pa ang guidelines sa Land Transportation Franchising and Regulatory Board (LTFRB).

Tungod niini kinahanglan nga susihon sa Senado kung unsay gihimo niini sa Malacañang aron katabangan ang pamilya nga apektado sa pagsaka sa presyo sa palaliton.