Una sa Balita

DSWD na-shock sa ‘kinangkong’ na food packs

By
0 1

Ikinagulat ng Department of Social Welfare and Development ang pagkaka-headline ng istorya sa pahayagang ito ukol sa ‘kinangkong’ na food pack na ipinamahagi sa ilang biktima ng super typhoon ‘Lawin’ sa Hilagang Luzon.

Kahapon, mas matapang na ang panawagan ni DSWD Secretary Judy Taguiwalo sa publiko na isumbong sa kanilang tanggapan ang tampering o repacking sa ipinamimigay nilang relief goods.

“Agarang i-report sa mga field offices ng departamento ang mga iregularidad sa pamamahagi ng relief goods sa kanilang mga lugar,” giit ni Taguiwalo.

Katunayan nagbigay ng direktang hotlines si Taguiwalo para sa sumbong ng publiko.

Para sa mga taga-Cordillera Administrative Region (CAR) – (074) 442-3946, (074) 446-5961, 09060941064, 09491417232; Region I – (072) 888-2505, 09399586757; Region II – 09177710966; at Region III – 09088814109.