Una sa Balita

DOH secretary Doque gipatawag sa Ubos Balay balaoranan

By
0 219

Gipatawag karon sa question hour sa liderato sa Ubos Balay balaoranan si Health Secretary Francisco Duque III.

Kini aron direktang masayran gikan kaniya ang mga gihimong nga lakang sa ahensya kabahin sa hulga sa novel coronavirus (nCoV) sa bansa.

Nasabutan sa mga kongresista nga ipatawag si Duque base sa inaprubahan nga mosyon ni House Majority Leader Rep. Martin Romualdez subay sa privilege speech ni House Committee on Health Chairman Angelina Tan nga mikuwestiyon sa kaandam sa kagamhanan sa maong gikahadlokang sakit.

Pagpasabot ni Romualdez, nga ang Question Hour privilege dili usa ka matang sa imbestigasyon ‘in aid of legislation’ kung dili usa kini ka pagpatuman sa i-oversight function sa Kamara aron mawagtang ang kabalaka sa publiko sa pagkatap sa nCoV.

Klarohun usab sa mga kongresista sa kalihim kung adunay kamatuoran ang mikatap nga balita nga naabot na ang infection sa ubang bahin sa nasud.

This website uses cookies to improve your experience. We'll assume you're ok with this, but you can opt-out if you wish. Accept Read More