Una sa Balita

DOH nanawagan sa blood donation

By
0 845

HINIMOK ng Department of Health (DOH) ang publiko na boluntaryong mag-donate ng dugo dahil bukod sa makatutulong na ito sa pagliligtas ng buhay ng tao, ay ma­laki rin ang magagawa nito upang maging ‘fit’ at ‘healthy’ ang panga­ngatawan.

Nanawagan si Regio­nal Director Eduardo Janairo sa mga residente ng Calabarzon (Cavite, Laguna, Batangas, Rizal, Quezon) na mag-alay ng kanilang dalisay na dugo.

“Donate blood, make it a practice, it promotes a healthy lifestyle whilst rep­lenishing our blood supply,” ayon kay Dr. Janairo, sa pagsisimula ng blood donation activity ng mga empleyado sa regional office ng DOH-Calabarzon.

Nabatid na ang natu­rang bloodletting activity sa regional office ay ba­hagi ng tuloy-tuloy na adbokasiya at commitment ng DOH na makapagbigay ng ligtas na blood supply at blood products para sa mga pas­yenteng nanga­ngailangan ng blood transfusion.

Umaabot sa 35 blood units ang nalikom ng DOH sa naturang bloodletting activity.

Ayon kay Janairo, para maging blood donor, kinakailangang nasa 16-65-anyos, malusog ang pangangatawan, may timbang na 110 pounds (50 kg) at pataas, at nakapasa sa physical, health history at lifestyle assessment sa screening.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy