Una sa Balita

DILG palig-unon ang waste management sa barangay

By
0 22

Gitugyan sa DILG ngadto sa mga opisyal sa barangay ang pagdumala sa ilang mga basura.

Gimandu ni Interior Secretary Eduardo Año ang umol sa barangay sa solid-waste management committee nga maoy magmonitor sa mga isyu sa basura sa kumonidad.

Matud niya nga angayang hatagan ug pagtagad ang palibot ilabi na sa insaktong paglabay ug mga basura aron kalikayan ag pagbaha.

Sa Memorandum Circular 2018-112, gusto ni Año nga adunay Ecological Solid Waste Management Committee sa matag barangay sa nasud.

Matud niya nga ang kumite nga umolun langkuban sa barangay chairman, barangay kagawad, Sangguniang Kabataan chairman, presidente sa homeowners association, school principal o presidente sa Parent-Teachers Association ug representante sa nagkadaiyang gropu sa komunidad.

Gipasabot sa opisyal nga ang pag-umol sa maong komiteba gilatid kini sa Republic Act 9003 o ang Ecological and Solid Waste Management Act of 2000.