Una sa Balita

DILG moumol ug anti drug council: 6 ka mayor gipasakaan ug kaso

0 347

jess campos

Nag-atubang ug kasong administratiba ang Department of Interior and Local Government (DILG) sa Office of the Ombudsman alang sa unom ka mayor tungod sa pagkapakyas niini ug wala mosunod sa pag-umol sa Local Anti-Drug Abuse Council sa ilang hurisdiksyon.

Matud ni DILG Asec. Ricojudge Echiverri, ang mga gipasakaan ug kaso silang Donsol, Sorsogon Mayor Josephine Cruz; Bucloc, Abra Mayor Gybel Cardenas; Hingyon, Ifugao Mayor Geraldo Luglug; Claveria, Masbate Mayor Froilan Andueza; Mandaon, Masbate Mayor Krisitine Hao-Kho; ug Magallanes, Agusan del Norte Mayor Demosthenes Arabaca.

Giklaro ni Echiverri, nga pasiuna lang ang unom ka mayor nga ilang gikasuhan ug daghan pa ang mosunod sa mga gibutyag nga local executive.

Matud niya nga moabot sa 800 local chief executives pa ang gikatakda nilang pasakaan ug kaso sa Ombudsman sa mosunod nga mga adlaw tungod sa susamang kalapasan.

Una nga mipagawas og memorandum ang DILG nga nagmandu sa mga mayor ug mga barangay official nga moumol og Anti-Drug Abuse Council nga magmonitor sa pagsumpo sa ng mga kaso sa iligal nga drugas sa ilang dapit.

Tumong sa DILG nga masulbad ang nagkagrabing problema sa drugas ug kahatagan ug panginahanglan ang mga drug surrenderer nga kinahanglan nga patambalan ug magpaubos sa -rehab busa gimandu ang pagpatuman sa Community-Based Drug rehabilitation program sa ilang hurisdiksiyon.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy