Una sa Balita

Digong lumambot sa mga NPA, negosasyon sa hotel gagastusan

By
0 990

HANDA si Pangulong Rod­rigo Duterte na muling buk­san ang peace talks sa New People’s Army (NPA) basta itigil ang ginagawang karahasan at igalang ang ceasefire o tigil-putukan.

Sa kanyang talum­pati sa inagurasyon ng bagong tulay sa Bo­ngabong, Oriental Mindoro kagabi, sinabi ng Pangulo na kung gusto ng NPA ng totohanang pag-uusap ay itigil ang kanilang karahasan at mga extortion activity at pangha-harass sa mga negosyante.

Binigyang-diin ng Pre­sidente na hindi madaling makarating sa paroroonan dahil maraming balakid pe­ro hindi aniya nito sinasarhan ang lahat ng posibilidad para sa pag-uusap.

Sinabi pa ng Pangulo na handa niyang gastusan ang pag-uusap sa hotel pati na sa gastos sa pagkain total ay kakaunti lang naman ang mga NPA.

“Kung gusto niyo tala­ga ng totohanan, is you stop immediately, you and I, ceasefire tayo. Ni walang isang putok, maski labintador and I would be happy.

Ako po’y ready – I will subsidize the peace process. Ako ‘yung babayad ng hotel, ako ‘yung babayad ng gastos niyo. At ‘yung mga tao niyo, kung ano ang naipon, ‘yun muna ang gastusin nin­yo,” anang Pangulo.

Kung gusto aniya ng ka­payapaan ay itigil ng mga rebelde ang revolutionary go­vernment at huwag manunog dahil walang negos­yanteng papasok sa isang proyekto, kung sisirain ang gamit ng mga ito na minsan ay pinapatay pa ang mga ito.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy