Una sa Balita

‘Di ako sangkot sa droga — Sexbomb Sheena

0 344

Magdedemanda:

Nilinaw ng dating Sexbomb dancer na si Sheena Flores de Castro sa pamamagitan ng Instagram na hindi siya ang tinutukoy sa balita na na-timbog sa isang buy-bust operation kamakailan.

Marami kasing balitang lumabas na si Sheena ng Sexbomb umano ang tinutukoy na nahuli sa isang buy-bust operation na ginamit pati ang kanyang mga litrato.

Sinasabi sa balita na nagngangalan umano na Sheena ang nahuli sa naganap na buy-bust operation sa San Pablo, Laguna.

Ayon sa bio ni Sheena na dating Sexbomb, siya ngayon ay nagtatrabaho bilang flight attendant based abroad at marami nga itong pinost sa kanyang Instagram patungkol sa naturang isyu.

“There are articles floating around about me getting arrested for illegal drugs in the Philippines and it’s not true,” sabi ni Sheena sa isa sa kanyang mga post.

Labis nga raw siyang nagulat sa mga balitang naglabasan.
“I currently reside in the United States, not in Laguna. I do plan on seeking legal advice regarding this matter,” dagdag pa ni Sheena. (Athena Yap)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy