Una sa Balita

Dennis Uy sa Mislatel mipatim-aw sa Senado

By
0 213

Mipatim-aw na ang negosyanteng si Dennis Uy sa ika tulong pagdungog sa Sunado kabahin sa pagpili sa Mislatel consortium alang sa ika tulong player sa telecommunications industry.

Si Uy, usa ka negosyante gikan sa Davao City ug kaalyado sa mga Duterte, ang chief executive officer sa Udenna Corporation nga kasosyo sa Chelse Logistics ug China Telecom sa kagamhanan sa China sa Mislatel Consortium.

Wala kini mipakita sa unang duha ka pagdungog sa Senado.

Gipatawag kini ni Senadora Grace Poe, chairman sa Senate Committee on Public Services, tungod kay giusab sa Senado ang pagpili sa Mislatel aron mahimong third telco.

Matud sa senadora, tinguha nilang mosulod ang bag-ong telco player aron ang publiko adunay maanindot nga serbisyo sa paggamit sa cellular phone ug internet apan kinahangalan makasiguro nga dili makompromiso ang seguridad sa publiko ug sa tibuok nasud.

Gawas ni Uy, mitambong usab sa pagdungog sa Senado silang National Security Adviser Hermogenes Esperon, Department of Information and Communications Technology Secretary Eliseo Rio ug Presidential Adviser on Economic Affairs Ramon Jacinto.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy