Del Rosario swak sa finals

PINANGUNAHAN ni Pauline Beatriz Del Rosario ang dalawa sa apat na pambato ng ‘Pinas na nakatiyak ng finals slot sa itinigil dahil sa ulan na 42nd Epson Tour 2022 Leg 7 $200K 10th IOA Golf Classic sa Alaqua Country Club sa Longwood, California Sabado (Linggo sa Maynila).

Tumirada ng one-over par 72 si Del Rosario para sa provisional joint 21st sa 36-hole total four under 138, pitong palo ang layo kina col-leader Australian Grace Kim (65) at Korean Kum-Kang Park (66) na may 131.

Safe na rin sa last round si Clarissmon ‘Claris’ Guce na naka-69-135 upang saluhan sa pang-10 pansamantala si American Marissa Steen na nag-67.

Nakabitin pa ang mga tropa sa ICTSI ni Del Rosario na sina Dottie Ardina sa 71-141 sa pag-upo sa 10-way tie sa 55th place, isang palo lang ang layo sa projected cut line, at Abegail ‘Abby’ Arevalo na may six-under tapos ng four holes palang at maka-71 sa opening round.

Ang torneo ang pampainit ni Ardina bago sumabak sa susunod na buwang 77th US Women’s Open. (Ramil Cruz)