Una sa Balita

‘Deadly Trio’ ng Warriors may pahiyang kapag malas

By
0 1,110

Iba-iba ang estilo nina Stephen Curry, Klay Thompson at Kevin Durant para bumawi pagkatapos ng off-night nila.

Kanya-kanyang paraan ang Golden State shooters.

Si Curry, may tinatawag na ‘The Menu” na binubusisi niya pagkatapos ng maalat na laro.

Walang libro o listahan, nasa isip na ni Curry at ng right-hand shooting man niyang si Bruce Fraser. Nakadetalye na sa utak nila kung ano ang dapat gawin o baguhin ng 3-point sharpshooter sa kanyang bitaw.

Minsan, kailangan ng two-time MVP ng catch-and-shoots, o kaya ay off-the-dribble, minsan mula ball handling bago tumira. O kaya ay kung saang spot siya titira.

“It’s like going to dinner with your wife,” simpleng paliwanag ni Fraser. “Different restaurant, different menu. We have a lot of things to pull from and it’s usually based one day, need.”

Kapag minamalas si Thompson buong gabi, pagkatapos ng laro ay magsu-shooting pa siya. Depende kung pagod na o hindi, pupukol siya ng mula 50 o kaya higit 200.

Nang matalo ang Warriors sa San Antonio sa Game 4 ng first-round series, 4-for-16 lang sa field si Thompson at tumapos ng 12 points. Pagkatapos ng laro, tumira siya ng “a couple hundred”.

Pagkatapos ng off-night, binabalikan ni Durant sa isip niya ang bawat hawak niya ng bola, pinag-aaralan ang mga tira. Pero kadalasan ay ‘yung mga pumasok lang ang inaaral niya mentally.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy