Una sa Balita

Davao Oriental gitaw-og sa magnitude 5.3 nga linog

0 181

Gitay-og sa magnitude 5.3 nga linog ang Davao Oriental, Martes sa hapon.

Sa talaan sa Philippine Institute of Volcanology and Seismology (Phivolcs), ang linog nahimotang mga 49 kilometro silangan sa Governor Generoso, Davao Oriental mga ala-1:39 sa hapon.

Tectonic ang origin sa lindol ug aduna kini gilabmon nga 39 kilometro.

Apan subay sa US Geological Survey, usa ka magnitude 5.6 ang maong linog ug nahimotang kini sa 23 kilometros southeast sa Mati City ang epicenter.

Nasinati ang Intensity 4 sa Davao City nga nagresulta ng evacuations sa mga establisyimento, tunghaan ug tambalanan.

Intensity 3 usab sa Lebak, Sultan Kudarat; Alabel ug Malapatan sa Sarangani; Bislig City ug Hinatuan sa Surigao del Sur; Butuan City sa Agusan del Norte; General Santos City sa South Cotabato ug Gingoog City.

Nakasinati usab sa Intensity 2 ang San Francisco, Southern Leyte; Santa Cruz, Davao del Sur; Koronadal City, South Cotabato; Magpet, Cotabato; Kalilangan, Bukidnon; ug Cagayan de Oro City.

Matud sa Phivolcs, wala silay gipaabot nga dagkung kadaut o aftershocks human sa linog. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy