Una sa Balita

Curry lanseta ng 29, Warriors alpas

By
0 1,415

Balik mula sa anim na larong liban si Stephen Curry sa pagpagaling sa kanang bukungbukong pero bagsak ulit. Sa pagkakataong ito’y kaliwang tuhod.

Sa balik niya umiskor si Curry ng 29 bago napilayan sa kaliwang tuhod sa second, at nakaalpas pa rin ang pilay na Gol­den State Warriors kontra Atlanta Hawks 106-94 sa 72nd NBA 2017-2018 elims game noong Biyernes ng gabi sa Oakland, California.

Nasaktan si Curry sa medial co­llateral ligament at inieskedyul ng MRI sa Sabado, ayon sa kanyang kampo.

“Kind of a strange, cruel twist of fate,” lulugo-lugong wika ni coach Steve Kerr. “He rehabs his ankle for the last couple weeks, he gets that strong and then the knee goes. So we’ll see what happens and we’ll keep our fingers crossed.”

Aringking sa kirot si Curry hanggang magtungo sa bench taas ang kaliwang paa sa nalalabing 3:09 ng third quarter tapos mabagsakan ni JaVale McGee ng kaliwang siko ang kaliwa niyang hita.
“I was just trying to block a shot and I ran into him,” bigkas ni McGee.

Upo agad sa silya ang two-time MVP at tumungo bago nagsadya sa locker room.

Dikdik si Nick Young ng 24 points na may six 3-pointers para sa defen­ding champions, na hindi nagamit ang iba pang All-Stars na sina Kevin Durant, Draymond Green at Klay Thompson.

“Getting close to postseason, you don’t want to see nothing like that,” bukambibig ni Young.

Humilera sina Young, Patrick McCaw, Jordan Bell at Zaza Pachulia kay Curry sa starting lineup. May nine rebound si Pachulia, samantalang si Bell naka-12 points.

This website uses cookies to improve your experience. We'll assume you're ok with this, but you can opt-out if you wish. Accept Read More