Una sa Balita

Court administrator Marquez ug laing 11 nag-ilog sa nabakanting puwesto ni Martires sa SC

0 85

Gisirad-an na ang pagdawat sa Judicial and Bar Council (JBC) alang sa aplikasyon ug nominasyon alang sa usa ka bakanteng puwesto sa Supreme Court isip associate justice hulip sa na-appoint nga Ombudsman nga si Justice Samuel Martirez.

Matud Justice Secretary ug ex-officio member sa JBC Menardo Guevarra, adunay walo ka mahistrado sa Court of Appeals ug tulo ang nag-apply aron mahimong Supreme Court associate Justice.

Lakip si Supreme Court Administrator Jose Midas Marquez.

Mi-aplay usab ang mga CA justices nga silang:

1. Oscar Badelles

2. Manuel Barrios

3. Apolinario Bruselas Jr.

4. Rosmari Carandang

5. Stephen Cruz

6. Japar Dimaampao

7. Amy Lazaro Javier

8. Ramon Garcia

Ang tulong aplikante mao silang Tagum City RTC Branch 1 Judge Virginia Tehano-Ang, Atty. Rita Linda Jimeno nga Associate Dean of the Centro Escolar University School of Law, ug laing usa nga wala hinganli kay gisusi pa sa JBC ang iyang papeles.

Ipahibalo pa hinoun sa JBC ang public interview sa mga aplikante apan tukion sa JBC ang mga gipaubos karon lang bag-o sa public interview aron dili na kini subling ipaubos sa interview.