Una sa Balita

Construction worker, nadakpan sa buy-bust sa Mandaluyong

By
0 46

Nasikop ang usa ka construction worker human mibaligya ug illigal nga drugas sa usa ka polis nga nagpakaaron-ingnon nga buyer sa gihimong buy-bust operation kagahapon sa kadlawon sa Barangay Addition Hills, Mandaluyong City.

Subay sa nahipos nga taho gikan sa Eastern Police District (EPD), giila ang suspek nga si Marbic Archay y Cantero, 24-anyos, residente sa Mandaluyong City ug nag-atubang ug kasong kalapasan sa RA 9165 o illegal drugs act.

Alas 4:30 sa kadlawon gipahigayun ang buy-bust sa Block 39, sakop sa Barangay Addition Hills, ug ilang nasikop ang suspek.

Nakuha gikan sa suspek ang lima ka plastic sachets nga adunay sulod nga shabu ug ang Php 200 nga buy bust money.

Gitanggong karon ang mga suspek sa Mandaluyong detention cell.