Una sa Balita

Consignee sa P2.4B nga shabu shipment gikasuhan sa BOC

By
0 97

Gipasakaan na sa Bureau of Customs (BOC) ug nagpatungpatung reklamo ang consignee sa P2.4 bilyon nga kantidad sa kargamento sa iligal nga drugas ang nasakmit sa Manila International Container Port (MICP) niadtong miaging semana

Partikular nga gikasohan sa BOC sa Department of Justice (DOJ) ang tag-iya sa Vecaba Trading nga si Vedasio Cabral Baraquel nga maoy giisip nga consignee sa duha ka magnetic lifters nga nadiskubre nga adunay sulod nga 355 ka kilo nga shabu nga gikan sa Malaysia.

Miabot ang shipment niadtong Hunyo 28, 2018 apan gikonsiderar kini nga abandonado human mapakyas ang consignee sa pagsang-at og entry document sulod sa 30 ka adlaw

Si Baraquel maoy registered owner sa Vecaba Trading mag-atubang ug reklamo sa kalapasan sa probisyon sa Customs Modernization and Tariff Act ug Comprehensive Dangerous Act of 2002.

Samtang gikasuhan usab sa BOC ang laing consignee sa usa ka abandonadong shipment.

Kini ang Red Star Rising Corporation nga gireklamo tungod sa misdeclaration sa mga kargamento nga gidiklarar nga kitchen utensils ug kraft paper, apan asukar ang sulod niini.

Nasayran nga wala kini import permit nga giusyo ang Sugar Regulary Administration alang sa maong kargamento nga nagkantidad og P59.7 million.