Cone pinaikot-ikot ni Waze, lalong natrapik
Mga laro ngayon: (Smart Araneta Coliseum)
4:30pm — Rain or Shine vs Meralco
6:45pm — NorthPort vs Ginebra
MUNTIK hindi umabot sa tip off ng laro kontra Columbian Dyip si Ginebra coach Tim Cone noong Biyernes, nabiktima ang two-time grand slam champion coach ng napakatinding trapik.
“Friday, payday,” ani Cone, pero hindi niya inasahang ganun katindi.
Mula sa Alabang, inabot siya ng halos apat na oras para makarating ng Smart Araneta Coliseum.
Related Posts
“I’m embarrassed to say that I didn’t get into the game right at the buzzer-beater of the first game,” bungad ni Cone sa postgame news conference.
Tinutukoy niya ang 3-pointer ni Matthew Wright na nagligtas sa Phoenix 120-117 laban sa Blackwater. Nag-overtime pa ang laro ng Fuel Masters at Elite, kung hindi ay mas malamang na hindi na nga nakaabot sa opening tip si Cone.
Kamakalawa, kung saan-saan siya pinadaan ng Waze, nagpaikot-ikot na at lalong nabalaho sa trapik. (VE)