Una sa Balita

Code of Conduct sa South China Sea, aprob sa China

By
0 355

Suportado sa China nga adunay Code of Conduct (COC) sa South China Sea nga gitinguha sa ubang nasud sa Asya alang sa kalig-on ug kalinaw sa rehiyon.

Mao kini ang gipadayag ni Chinese President Xi Jinping sa joint statement nila ni Presidente Rodrigo Duterte sa Malacañang kagabii.

Matud ni Xi nga daghang susamang interes ang Pilipinas ug China sa South China Sea ug ipadayun nilang tukion ang mga butang nga wala magkasinabot aron hingusgan ang maritime cooperation pinaagi sa maayo konsultasyon.

Gipaniguro ni President Xi nga andam silang motabang sa ubang mga nasud aron makaumol ug COC sulod sa tulo ka tuig sa tinguha nga makab-ot ang malungtarong kalinaw sa rehiyon.

“China and the Philippines have a lot of common interests in the South China Sea. We will continue to manage contentious issues and promote maritime cooperation through friendly consultation, and we will work with other Asean nations towards the conclusion of COC consultations based on consensus within 3 years and contribute our share to peace stability and welfare in this region,” matud ni President Xi.

Matud usab ni Presidente Duterte nga daghan pang trabaho angayang himoun apan ang pagbisita ni President Xi sa nasud ang naghatag ug paglaum sa gipangandoy nga kalig-on sa rehiyon, ug nalipay siya sa positibong momentum sa relasyon sa Pilipinas ug China.

“A lot of work remains, but President Xi’s visit gives us new impetus to our mutual efforts to enhance collaboration in ensuring the well-being of our peoples and contributing to peace and stability in the region. I am pleased with the current positive momentum of the Philippines-China relations,” matud ni Duterte.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy