Una sa Balita

Cinemo, Yey, Jeepney TV patok sa mga manonood

0 272

Patuloy na dumarami ang mga Pilipino na nanonood ng kanilang paboritong TV show na mas malinaw dahil walong mil-yong ABS-CBN TVplus boxes na ang naibenta at nagpapasaya nationwide sa viewers.

Sa loob ng apat na taon, maraming pamilyang may TVplus box ang nabigyan ng pagkakataon na makapanood ng maraming channels at shows, kaya naman kabilang ang TVplus exclusive channels sa listahan ng pinakapinapanood na channels sa mga kabahayan na naka-digital TV, ayon sa datos ng Kantar Media noong Q2 2019.

Nasa ikatlong puwesto ang Ci-neMo sa listahan na naghahatid sa mga kalalakihan ng action-packed na mga pelikula, samantalang ikaapat na pinakapinapanood na channel naman ang YeY na handog ang mga shows na nakakatuwa at may kapupulutang aral ng kabataan.

Pasok din sa listahan sa ikalima hanggang ikawalong puwesto ang ABS-CBN S+A, Movie Central, Asianovela Channel, at Jeepney TV.

Dahil sa naibentang walong mil-yong TVplus box, patuloy na nangunguna ang ABS-CBN sa paglipat ng buong bansa sa digital TV mula sa analog bago ang 2023.

Noong nakaraang buwan, ini-lunsad din ng Kapamilya network ang mobile version ng TVplus box na ABS-CBN TVplus box na maaring gamitin ng Android smartphone users para mapanood ang kanilang paboritong programa kahit saan sa TVplus coverage areas.

May 16 coverage areas ang ABS-CBN TVplus kabilang na ang Metro Manila, Bulacan, Batangas, Nueva Ecija, Pangasinan, Rizal, Laguna, Pampanga, Tarlac, Benguet, Cavite, Metro Cebu, Cagayan De Oro, Iloilo, Bacolod, at Davao.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy