Una sa Balita

China virus miabot na sa US ug Taiwan

By
0 561

Gipahibalo sa Amerika ug Taiwan niadtong Miyerkoles ang unang kaso sa bag-ong virus sa ilaha, nga mipatay na sa unom ka tawo sa China samtang gatosan ang nasakit.

Matud sa Free Malaysia Today, miadto na hingtungdan ahensya ang lalaking taga-Seattle nga nag-edad og 30s human niya masayri ang kabahin sa SARS-like virus sa mga news report.

Stable ang kondisyon sa lalaki ug anaa karon sa tambalanan.

Miabot na ang lalaki sa Amerika human mibisita sa Wuhan, China niadtong Enero 15, duha ka adlaw sa wala pa sugdi pag-deploy sa health officials sa mga nanag-unang tugpahanan aron mag-screen ang mga pasahero.

Samtang natala usab ang unang kaso sa bag-ong coronavirus sa usa ka babae nga miabot sa Taiwan ug gikan usab sa Wuhan.

Dali siyang gidala sa ospital human miabot sa airport.

This website uses cookies to improve your experience. We'll assume you're ok with this, but you can opt-out if you wish. Accept Read More