Una sa Balita

Ceremonial signing sa BOL, gihimo sa Palasyo

By
0 31

Gipangulohan ni Presidente Rodrigo Duterte katong adlawa (Lunes) ang ceremonial signing sa Bangsamoro Organic Law (BOL) sa Malacañang.

Lakip sa mitambong sa seremonya ang pipila ka magbabalaod ug pangulo sa Moro Islamic Liberation Front.

Sa iyang mensahe, matud sa Presidente nga ang BOL maoy yawe nga makuha ang matuod nga kalinaw, kalig-on ug maayong pagdala sa Mindanao.

Gihangyo sa Presidente ang mga taga Mindanao nga aktibong misalmot sa debate aron klaro gayung masabtan ang balaod nga naghimo sa bag-ong political entity sa Mindanao.

Wagtangon na ang Autonomous Region in Muslim Mindanao ug hulipan kini sa Bangsamoro Autonomous Region (BAR).

Giawhag usab sa Presidente ang mga taga-Mindanao nga mosalmot sa plebisito aron makuha ang pulso sa mga tao. ()