Una sa Balita

Celdran, guilty sa pag-insulto sa Simbahan – Korte Suprema

By
0 177

Gipalig-on sa Supreme Court First Division ang desisyon sa Court of Appeals (CA) niadtong 2015 nga mipabor sa desiyon sa Regional Trial Court ug Metropolitan Trial Court nga guilty sa paglapas sa Article 133 sa Revised Penal Code si Carlos Celdran.

Kini human gibasura sa First Division sa iyang apela nga balihon ang desisyon sa CA batok kaniya.

Sa desisyon sa Korte Suprema niadtong March 21, 2018 nga gipangulohan pa kaniadto sa gipalagpot nga si Chief Justice Maria Lourdes Sereno, gibasura niini ang petisyon ni Celdran nga mikuwestiyon sa desisyon sa CA.

Kumbinsido ang Labaw nga Hukuman nga angayang manubag si Celdran sa reklamong offending religious feelings.

Ang iyang gihimo niadtong Septembre 2010 nga pagdala ug plakard nga adunay nakasulat nga Padre Damaso atol sa usa ka religious activity sa Manila Cathedral nagpakita nga iyang giinsulto ang Simbahang Katoliko.

Giprotesta kaniadto ni Celdran ang pagpanghilabot sa Simbahan sa mga isyu sa kagamhanan ilabi na ang Reproductive Health Bill nga iyang gisuportahan.

Gidesisyonan na kaniadto lower court ang giilang tourulistvguide ug aktibista nga bilanggoun ug usa ka tuig, usa ka bulan, o prison correctional. ()