Una sa Balita

Cardinal Tagle gitudlo ni Pope Francis isip Vatican official

By
0 339

Gitudlo kagahapon ni Pope Francis si Manila Archbishop Luis Antonio Cardinal Tagle isip bag-ong Prefect of the Congregation for the Evangelization of Peoples.

Hulipan ni Tagle si Cardinal Fernando Filoni, ang bag-ong Grand Master sa Order of the Holy Sepulcher.

Giila usab nga “Red Pope” ang posisyon ni Tagle nga susama sa Cabinet secretary sa Roman Pontiff.

Ang congregation maoy responsable sa pagpakatap sa Catholic faith sa tibuok kalihutan pinaagi sa missionary works ug susamang kalihukan.
Siyam lang ka congregation sa Vatican ug kanunay nga magbase sa Roma ang mga pangulo niini.

Si Tagle ang ika duhang Pinoy nga nahimong prefect sa usa ka dicastery, gawas sa mitaliwan nga Cardinal Jose Tomas Sanchez, nga nahimong prefect sa Congregation for the Clergy gikan sa 1991 hangtud 1996.

Miserbisyo usab si Sanchez isip kalihim sa Propaganda Fide nga gipangulohan ni Tagle.

Magsuhod sa Vatican post ang cardinal sa pagsulod sa tuig 2020, matud sa Vatican News.

This website uses cookies to improve your experience. We'll assume you're ok with this, but you can opt-out if you wish. Accept Read More