Una sa Balita

Bus rapid transit, maoy tubag sa grabing traffic sa Cebu

By
0 187

Ipatuman sa Department of Transportation (DOTr) ang pagpagawas sa bus rapid transit (BRT) nga nalakip sa Integrated Transportation System (ITS) nga giingong maghatag ug dakung tubag sa nagkagrabing problema sa trapiko Cebu City.

Sayo niini gisugdan ni Transportation Secretary Arthur Tugade ang pag-iinspeksyon sa 23-kilometer nga route sa BRT kauban ang ubang representatives sa World Bank, DOTr officials, National Economic Development Authority, Land Transportation Office, ug Land Transportation Franchising and Regulatory Board.

Nasayran nga kauban ang ITS sa point to point (P2P) bus system; monorail sa Lapu-Lapu City, ug pagtukod sa Light Rail Transit (LRT) lines gikan Carcar hangtud Danao ug Mandaue hangtud Airport Line.

Matud ni Presidential Assistant for the Visayas Michael Dino, nga malakip lang sa BRT ang three-lane roads nga dili makaapekto sa ubang transport systems.

Ang LRT system makatabang alang sa mga pasaherong duol sa Carcar hangtud sa Danao City.

Sayo niii miingon si Tugade nga kanahanglan nga tun-an pag-ayo ang pagpatuman sa BRT system kay posibling maghatag kinig kahout sa dalan ug trapiko.