Una sa Balita

Buntis stranded sa baha, pinaanak ng Dagupan SWAT team

By
0 257

NAGTULONG-tulong ang mga miyembro ng Special Weapons and Tactics (SWAT) ng Dagupan City Police Station (DCPS) upang paanakin ang isang misis sa kasagsagan ng ulan at baha sa Herrero-Perez St., Dagupan City noong Lunes.

Sinabi ni DCPS commander Supt. Jadale Sulit, bago naganap ang panga­nganak, nakatanggap sila ng tawag mula sa concerned citizen sa Herrero-Perez street na may manganganak na isang misis na hindi makapunta sa ospital dahil sa ma­lakas na ulan at pagtaas ng tubig baha.

Dito, agad na inutusan ni Sulit ang DCPS-SWAT sa pamumuno ni PO2 Juven Fermin upang mag responde sa nasabing insidente.

Sinabi ni Fermin, dahil sa kaalaman niya sa first-aid sa panganganak at sa tulong ng SWAT-DCPS, naisagawa nila nang maayos ang ma­nganganak ng misis.

Samantala, sinabi ni Sulit na nakatakdang bigyan ng commendation ang mi­yembro ng SWAT dahil sa kanilang pagligtas at pagpaanak sa isang ginang kahil na masama ay panahon.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy