Una sa Balita

Budget sa buhatan ni VP Leni, dugangan sa Senado

0 177

Dali nga nakalusot sa Senate committee on finance ang gisugyot nga P673 milyon nga pondo sa Office of the Vice President (OVP) sa mosunod nga tuig.

Si Vice President Leni Robredo ang mihimo sa gisugyot nga budget lakip ang mga programa ug proyekto sa ilang buhatan alang sa tuig 2020.

“‘Yung next three years is more for strengthening what we have started already, expanding our coverage, and making sure that all the initiatives that we started will become sustainable,” matud ni Robredo sa iyang presentasyon.

Andam usab ang Senado nga dugangan ang budget sa OVP human angkona ni Robredo nga daghan silang wala mahimo tungod kay kulang ilang pundo.

Matud ni Minority Floor Leader Franklin Drilon, giisip nila nga dugangan ang budget sa OVP alang sa policy unit nga karon mga contractual employee ang naghupot.

Magpadala usab ang buhatan ni Robredo ug pila ang ilang gikinahanglan nga dugang pundo sa ilang budget. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy