Una sa Balita

BuCor officials ipaubos sa lifestyle check

0 282

Misugot ang ubang opisyal sa Bureau of Corrections (BuCor) nga mopaubos sa lifestyle check human pasanginli sa pagkalambigit sa giingong “GCTA (good conduct time allowance) for sale” bugti sa sayong nga pagpagawas kanila gikan sa New Bilibid Prison (NBP).

Gidawat nilang Staff Sergeant Ramoncito Roque, head of BuCor’s documents division, Correctional Senior Ins. Maria Belinda Bansil ug Corrections Officer 3 Veronica Buño ang hangyo ni Senadora Risa Hontiveros sa pagdungog sa Senado nga iduso ang ilang statement of assets, liabilities and net worth (SALN) sa milabay nga umom ka tuig.

Daling gimanduan ni Senador Richard Gordon, chairman sa Senate justice committee, nga ipaubos sa lifestyle ang maong mga opisyal ug staff sa ahensiya lakip usab si BuCor legal division chief Fredric Anthony Santos.

“You are directed to submit yourselves for lifestyle check as well as submit your respective SALN,” pamahayag ni Gordon.

Unang gitudlo sa saksi nga si Yolanda Camelon nga silang Roque, Bansil ug Buno maoy anaa sa likod sa GCTA for sale scheme sa NBP.

Matud ni Camelon, asawa sa usa ka binilanggo sa minimum security compound sa NBP, nga mibayad siya og P50,000 ni Roque bugti sa sayong pagpagawas sa iyang bana

Wala matuman ang giingong pagpagawas busa giyagyag ni Camelon sa Senado aron mabutyag ang maong anomalya sa NBP. Gipanghimakak kini ni Roque.

Kagahapon, subling gibutyag ni Camelon ang modus operandi sa ubang jail official nga babagan ang mogawas nga inmate ug ingnon kini nga aduna pa siyay pending nga mga kaso.

Dinhi i-pressure ang usa ka binilanggo aron lang mohatag kini sa gipangayo nga kuwarta aron hingpit na kining makagawas pinaagibsa gahum GCTA.

Matud pa ni Camelon nga adunay 20 na silang biktima sa GCTA for sale scheme.

“Mahigit 20 na po kami. Sa ngayon wala akong alam na exact amount na hinihingi sa kanila,” matud ni Camelon.

“Sa akin P50K diretsahan hiningi nila sa akin. Sa ibang inmates, depende po sa katayuan sa buhay,” dugang pa niini. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy