Una sa Balita

Brod ni Duterte sa fraternity gibutang isip Comelec commissioner

0 428

Nakumpleto na ang gidaghanon sa commissioners nga molingkod sa Commission on Elections (Comelec) human gibutangan ang nabakanting puwesto pinaagi sa pag tudlo ni Justice Undersecretary Antonio Kho Jr.

Gibutang ni Presidente Rodrigo Duterte si Kho alang sa nabakanteng puwesto ni Comelec Chairman Sheriff Abas.

Si Kho, fraternity brother sa Presidente sa Lex Talionis Fraternitas sa San Beda diin niya nahuman ang iyang abogasya.

Molingkod si Kho hangtud sa Pebrero 2022 ang iyang termino sa Comelec.

Nasayran nga gibutang sa Presidente si Abas niadtong Nobyembre 2017 isio Comelec chairman human miresign si kanhi Comelec commissioner Andres Bautista nga nalambigit sa kontrobersiya.

Tungod niini nabakante ang puwesto isip commissioner sulod sa walo ka bulan ug karon lang nakompleto dihang gibutang sa Predifente si Kho. (Jess Campos)