Una sa Balita

Brgy. Kapitan ug iyang asawa gisikop tungod sa illigal drugas og armas

By
0 886

Gitanggong sa bilanggoan ang usa ka barangay chairman ug iyang asawa human nagpositibo sa gipatumang search warrant sa ilang panimalay kaganihang kadlawon sa Barangay Kayaga. North Cotabato.

Atol sa gipatuman nga search warrant nakuha sa kapolisan ang 50 gramo nga shabu , armas ug drug paraphernalia.

Subay sa report dugay na nga gimonitor sa kapolisan ang panimalay sa suspek nga si Barangay Kayaga Chairman Bong Bacana ug iyang misis nga si Baliling ug mga sakop sa local drug group sa lungsud sa Kabacan ug mga silingang dapit sa lalawigan.

Sa gahum sa usa ka search warrant, gisusi sa mga sakop sa Philippine Drug Enforcement Agency ug kapolisan ang panimalay sa magtiayon ug ilang nasakmit ang 50 gramo nga shabu; P233,700 cash; mga alahas, usa ka kalibre .45 nga armas, mga cellphone, ug drug paraphernalia.

Ang duha nag-atubang ug mga kasong kalapasan sa Comprehensive Dangerous Drugs Act ug Illegal Possession of Firearms ang magtiayon nga gitanggong na sa PDEA 12 detention cell.