Una sa Balita

‘Boyet Challenge’ gisaway sa autism society

0 302

Gikondenar sa Autism Society Philippines (ASP) ang labing bag-ong social media experiment nga gitawag nga “The Boyet Challenge”.

Sa challenge, sundugon sa partisipante ang karakter nga si “Boyet” nga adunay mild intellectual disability.

Si Boyet gidala ni Ken Chan sa afternoon series sa Kapuso na “My Special Tatay”.

Ang pagsaway subay sa pagsaulog nila sa National Autism Consciousness Week.

Matud sa organisasyon, sayup nga himoung kataw-anan ang persons with disabilities (PWDs).

Tungod niini, nawagan ang ASP sa netizens nga ihunong na ang “Boyet Challenge”, tungod kay ilang gihimong komedya ang mga tawo nga adunay autism ug uban pang disabilities.

Subay sa ilang website, ang ASP usa ka non-profit organization (NGO) nga naghatag ug serbisyo ug nagtudlo sa pamilya nga adunay kabanay nga adunay autism.