Una sa Balita

Binay vs Binay sa pagka mayor sa Makati, gikompirmar

By
0 208

Gikompirmar ni Senadora Nancy Binay nga adunay panagbingkil ang magsuong nga silang incumbent Mayor Abigail Binay ug kanhi Mayor Jejomar ‘Junjun’ Binay nga maoy magtigi pagka mayor sa Makati City.

Matud sa senadora, nga ilang paningkamotan sa pamilya nga masulbad kini.

“As of the moment, hindi na muna ako magsasalita dahil pag-uusapan pa. Susubukan naming ayusin,” matud ni Senadora Binay sa interview dihang miadto kini sa Commission on Elections (Comelec) sa Intramuros, Maynila.

Iyang gipasabot nga ‘normal’ lang ang gikataho nga panagbingkil sa mga magsuon aron maoy mangulo sa Makati.

“‘Di ba parang normal lang naman din sa isang pamilya ‘yung may ganitong pinagdadaanan? So, kumbaga, isa lang ito, like a normal family,” matud sa senadora.

“Basta ako, at the end of the day, ano man ang maging resulta pagkatapos ng May 13, 2019, magkakapamilya (kami),” dugang pa niini.

Miadto kini sa Comelec headquarters kay iyang giubanan sa pagduso sa iyang certificate of candidacy pagka senador ang usa ka sakop sa United Nationalist Alliance (UNA) nga si Atty. Dan Roleda.

Si Senadora Nancy ang Presidente sa UNA.