Belga, Painters gigil rumesbak

DESIDIDO si veteran big man Beau Belga na maibawi ang Rain or Shine Elasto Painters sa paparating na ika-46 season ng Philippine Basketball Association (PBA) sa Abril.

Ngayon pa lang, balik na sa pagpapakondisyon ang 34-year old cager upang makabawi sa nagdaang PBA Philippine Cup bubble na pinagkampeonan ng Barangay Ginebra Gin Kings.

Sa latest video nito, makikita ang training na ginagawa ng two-time PBA champion na talaga namang pinaghahandaan na ang pagbubukas ng bagong season ng liga.

Walang mintis ang bawat bato ng three-time All Star mapa-three point area o kahit sa ilalim pa.

Maganda rin ang pangangatawan ni Belga kaya siguradong pangdiinan na naman ang ipakikitang bangis ng Elasto Painters sa paparating na torneo. (Sarah Jireh Asido)