Una sa Balita

Bata patay human paaka sa bitin

0 166

Patay angbusa ka 6-anyos nga batang lalaki human siya paaka sa bitin sa Barangay Parparya, Narvacan, Ilocos Sur niadtong Huwebes.

Giila sa Narvacan Police Station (NPS) ang biktima nga si Joen Almario, sa Barangay Parparya, sa maong dapit.

Subay sa imbestigasyon sa NPS, matud sa inahan sa biktima nga si Remely Almario, nga aduna nakita ang anak niya nga piso nha nahulog sa usa ka lungag pipila ka metroang gilay-on sa ilang panimalay og gikuha kini.

Sa dihang puniton na unta sa biktima ang kuwarya, kalit lang adunay mipaak kaniya ug gipahibalo kini sa iyang amahan.

“Papang mag kumagat sa kamay ko,” matud ni Remely nga miingon sa iyang amahan.

Tungod kay nangitom na ang biktima, daling gidala siya sa tambalaman apan wala magdugay namatay kini.

Samtang matud ni Provincial Veterinary Officer Dr. Dona Mae Rosario, hilo sa bitin ang hinungdan sa kamatayon sa bata.

“Ang venom kasi iba-iba ‘yan, mayroon tayong tinatawag na cytotoxin, neurotoxin at iyong hemotoxin, posibleng iyong tinatawag nilang cobra, nasa neurotoxin iyon which is sinisira niya iyong mga nerve cell and nerve impulse ng biktima,” matud ni Rosario.

Matud ni Rosario, tungod kay bata ang biktima, posibleng dali nga mikatap ang hilo sa lawas sa bata hinungdan sa iyang hinanaling kamatayon. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy