Una sa Balita

Bata mopalit lang unta sa tindahan, gikaun sa buaya

0 284

Patay ang usa ka 10-anyos nga batang lalaki human kini atakiha sa buaya samtang nagsakay kimi sa bangka, Dominggo sa gabii sa Sitio Tagpanasan, Barangay Salang, sa lungsud sa Balabac, Palawan.

Giila ang biktima nga si Mihasan Suraping, 10, estudyante sa Paliisan Elementary School ug residente sa Sitio Karikitan, Barangay Catapugan sa maong lungsud, nakit-an sa sapa ang ulo ug ang iyang batiis human ang usa ka adlaw sa pag-atake sa buaya.

Subay sa taho sa Balabac Municipal Police Station, Lunes sa buntag, Agosto 12 miadto sa ilang station si Robinsio Suraping, amahan sa biktima aron itaho ang nahitabo ngabpagkaun sa buaya sa iyang anak.

Matud niini, nga mga alas-6 sa gabii niadtong Agosto 11 miadto sa usa ka tindahan ang biktima kauban ang duha ka igsuon nga nag-edad 12 ug 15-anyos gamit ang usa ka gamay nga bangka.

Sa pagbalik sa mga bata sa ilang balay diin naglingkod ang biktima sa luyo sa bangka dihang kalit kining giatake sa dakung buaya og gitukob paingon sa ilawom sa dagat.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy