Una sa Balita

Bangkok maoy labing gibisita nga siyudad sa tibuok kalibutan

0 153

Nalupigan na sa Bangkok, Thailand ang Paris ug London isip labing gibisita nga siyudad sa tibuok kalibutang niadtong 2018, matud sa gipagawas nga pagtuon sa MasterCard Inc.

Ika upat nga sunod-sunod nga tuig nga ang Bangkok nalakip isip “most-visited city,” nga mitala og 22.8 milyo ka torista.

Gisundan usab kini sa Paris ug London nga adunay pareho nga 19.1 milyon ka torista, ug Dubai nga maoy ika upat nga dapit og mitala sa 15.9 milyon ka bisita.

Uban pang gibisitang siyudad ang Singapore, Kuala Lumpur, New York, Istanbul, Tokyo, ug Antalya, Turkey.

Gihangop sa industriya sa Thailand ang balita, tungod kay karon lang bag-o nabalaka sila sa pagkanaug og 1.03% sa gidaghanon sa ilang mga torista.

Anaa sa 12 percent ang milangkob sa torismo sa Thailand sa ekonomiya sa maong nasud. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy