Una sa Balita

Bag-ong tangke ug fighter jet gipasigarbo sa Russia

By
0 118

Gibisa sa Russia ang mga bag-o nilang kagamitan nga iggugubat sa gihimong military show aron maagni ang ubang langyaw nilang kliyente.

Matud ni President Vladimir Putin sa Military Technical Forum Army 2018 show, pagpakita kini sa dakung potensiyal sa Russian military industries ug maghimo kinig agianan alang sa militar nga makig alayon sa ubang nasud.

Gipahigayun ang show sa shooting range sa Alabino sa gawas sa Moscow niadtong Martes.

Lakip sa gipakita sa Russia ang bag-o nilang fighter jet, ang Su-57; ang Kinzhal hypersonic weapon, exoskeleton combat gear, ug ang nailang Armata battle tank.

Gipamita usab sa show ang robotic systems sa Russia.