Una sa Balita

Bag-ong kaso isang-at batok ni Trillanes

By
0 142

Bag-ong away nga legal ang atubangon ni Senator Antonio Trillanes IV sa sunod nga linggo.

Gipabibalo ni Labor Usec. Jacinto Paras nga iyang pasakaan ug kasong inciting to sedition ang senador.

Matud niya nga ang kaso base sa sa mga giingong lakang sa senador aron awhagon ang mga sundalo nga awayon ug gub-on ang administrasyon Duterte.

Dugang pa niini, ireklamo usab niya si Trillanes tungod sa pagtawag ni Duterte nga buang.

“Bilang isang mamamayan na Filipino, maski nasa gobyerno po tayo, maninindigan tayo laban sa isang tao na binabastos nya ung gobyerno. Binabastos niya ung presidente,” matud ni Paras sa usa ka interview.

Una nga gireklamo ni Paras si Trillanes sa Pasay City Prosecutors Office sa grave threat tungod sa giingong paghulga kaniya sa Senador dihang nagkita sila sa Senado.

Karon dilikado nga nasikop si Trillanes tungod sa pagsumbalik ni Duterte sa gihatag nga amnestiya sa senador tungod sa kasong rebelyon ug kudeta.