Una sa Balita

Babaye nga bakwit, nakuhaan ug P3.5-M nga shabu sa Valenzuela

By
0 62

Nadakpan sa mga sakop sa Philippine Drug Enforcement Agency (PDEA) ang usa ka babaye nga taga-Marawi City human midayo sa Valenzuela City aron ibaligya ang moabot sa P3.5 milyon nga kantidad sa gidiling drugas.

Matud ni PDEA Director Aaron Aquino nga giila ang suspek nga si Kaoki Diyongal Sumaginadin, alyas Norma, hingkod ang panuigon , residente sa Brgy. Pilingtanga, Marawi City.

Sa imbestigasyon ni Charlie Maine Karol Tanga, team leader ng PDEA, nga mga alas-8:10 sa buntag dihang ilang gihimo ang buy-bust operation batok sa suspek sa sulod sa usa ka hotel sa No. 200 MacArthur Highway, Karuhatan, Valenzuela City.

Nasakmit gikan sa suspek ang lima ka sachet nga adunay sulod nga 500 gramos ngs shabu nga nagkantidad ug P3.4 milyon.

Nasayran nga human sa usa ka semana nga surveillance sa suspek ilang gihimo ang buy-bust operation batok sa maong babaye.

Matud sa suspek nga wala siya masayud nga drugas ang iyang gidala ug gipadala lang kini kaniya sa usa niya ka higala.

Matud usab niya nga dili siya makamao nga mobasa ug mosulat busa wala siya masayud sa hisang-at nga kaso kaniya sa PDEA.

Sa pagkakaron nag-atubang ug kasong kalapasan sa Comprehensive Dangerous Drugs Act of 2002 ang suspek. ()