Abante Online
Abante is the leading Tagalog-language tabloid paper in the country.

Ayusin ang online payments

0 664

Sa sobrang laki ng panganib na dala ng coronavirus, marami talaga ang sumunod sa babala ng pamahalaan na manatili sa loob ng bahay.

Kahit ngayon na medyo nagluwag na tayo sa kwarantina, karamihan pa rin sa atin ay takot lumabas ng bahay.

Mapipilitan lang lumabas upang bumili ng pangunahing supplies sa bahay. Kung kayang gawin ang trabaho sa bahay o “work from home”, mas pinipili ng mga taong manatili sa bahay.

Natuto na rin ang mga taong gumamit ng online banking sa pagbabayad ng mga bills o mamili ng pagkain at mga gamit sa online stores or sellers.

Malaking tulong ang nagawa ng ganyang mentalidad kung kaya’t napanatili nating kontrolado ang pagtaas ng COVID-19 noong tayo’y nasa ECQ pa.

Kaya’t dapat nating engganyuhin ang mga taong ipagpatuloy ang ganitong gawain upang maiwasan ang harapang pakikipag-transaksyon sa mga tao.

At sa halip na pahirapin natin ang proseso, dapat na mas pinapadali pa nga natin ang lahat ng online transaction dahil malaking tulong ito upang hindi magkahawahan sa virus.

Maraming kumpanya at bangko ang nakiisa at niluwagan ang patakaran sa online transaction. Subalit may ilang bukod tanging naging sentro ng reklamo ng nakararami. 1st “dishonorable” mention ang Meralco.

Iyong mga kostumer na dati pang nagbabayad ng bill sa kuryente nila gamit ang online banking ay biglang hindi makabayad gamit ang parehong pamamaraan. Sa pag reject ng kanilang online payment, ang karaniwang sinasabi ng bangkong gamit nila ay makipag-ugnayan sa Meralco at humingi ng updated na “ATM/Phone reference number”. Kailangan ang numerong ito upang maisakatuparan ang online payment.

Your email address will not be published.