Una sa Balita

ATM fee hike susihon sa Senado – Poe

0 324

Susihon sa Senado ang planong pagpataas sa bayranan sa mga transaksiyon sa automated teller machine (ATM) nga giingong dugang bayranan sa mga ordinaryong mamumuo, matud ni Senadora Grace Poe.

“Maliit na nga ang interes sa savings pero ang laki naman ng kaltas mula sa balance inquiry hanggang sa withdrawal,” matud ni Poe nga Chairman sa Senate Committee on Banks, Financial Institutions and Currencies.

“Kung tutuusin, para tayong nagpapahiram ng pera sa bangko kapag tinatabi natin ito sa ATM. Kung nagwi-withdraw tayo, kinukuha lang natin kung ano ang atin. Bakit ang laki ng kaltas sa bawat transaction, tapos may hiling pang dagdag ngayon?,” pangutana niya.

Una gikataho sa pipila ka bangko nga mopatuman kinig mas taas nga ATM fees, sa gikan sa 36% hangtud 50% human gitangtang sa Bangko Sentral ng Pilipinas ang moratorium sa pagpataas sa ATM fees.

Sa Senate Resolution 96 nga gosang-at ni Poe, ‘disadvantageous’ sa moabot 4.1 milyo nga minimum-wage earners ang maong dugang bayranan sa matag transaksiyon ilabi na nga kadaghanan kanila ang modawat sa suweldo gamit ang ATM card.

“The practice of imposing hefty bank fees, including ATM charges is financially disadvantageous to our country’s more than 58 million ATM cardholders,” matud ni Poe.

Sa pagkakaron, ang bank charges rate gikan sa P10 hangtud sa P15 alang sa interbank withdrawals ug P2 sa interbank balance inquiry.

Gusto ni Poe nga masayran kung pila ang nakokolekta sa bangko gikan sa mga charge ug kun nganong kinahanglan nga ang mga kustomer ang mobayad nga kabahin man kini sa serbisyo sa bangko. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy