Una sa Balita

Ateneo, La Salle, NU, Adamson sa Final Four

Forecast ni Kiefer

0 268

SASAMBULAT na nga­yong Sabado, Setyembre 8, ang Season 81 ng University Athletics Association of the Philippines (UAAP)

Paborito pa rin para sa korona ang defen­ding champions Ateneo de Manila University (ADMU) Blue Eagles at ang last year runner-up na De La Salle University (DLSU) Green Archers.

Para sa dating ‘King Eagle’ at ngayon ay NLEX super rookie na si Kiefer Ravena, naniniwala siyang malaki pa rin ang tsansa ng kanyang eskuwelahan pero makakaharap ng matinding hamon sa La Salle, National University (NU) Bulldogs at Adamson University (AdU) Soaring Falcons, na aniya’y fearless forecast niyang sasampa sa Final Four ngayong paparating na season.

“Target is Ateneo with only a few players graduating from the champion team. But with everybody gunning against them, it’s going to be harder to defend the crown,” tweet ng dating UAAP MVP.

Paliwanag pa nito, nananatiling delikadong kalaban ang La Salle, habang nagpalakas din ang mga koponan ng UST Growling Tigers at ang University of the Philippines (UP) F­ighting Maroons.

“DLSU will still bring its winning tradition to the table and will see if Mayhem will transfer to UST and the more experienced UP team can end its final four drought,” panapos nito.