Una sa Balita

Armida Siguion-Reyna ‘national treasure’ ng showbiz

0 490

Marami ang nagulat at nalungkot sa pagpanaw ng isa sa mga tagapagtanggol ng local film industry at isang tunay na alagad ng sining na si Ms. Armida Siguion-Reyna o mas kilala sa showbiz bilang Tita Midz.

Colon cancer ang naging sanhi ng pagpanaw ni Tita Midz sa edad na 88.

Maituturing na isang “national treasure” at tri-media artist si Tita Midz dahil lahat ng aspeto ng si­ning ay napasok niya at naging successful siya sa mga ito.

Unang nakilala si Tita Midz sa mundo ng opera. Lumabas ito sa mga opera na “Lucia de Lammermoor,” “Rigoletto,” “La Traviata,” “I Pagliacci,”“The Merry Widow,” and the zarzuela “Ang Mestiza.”
Noong pasukin nito ang mundo ng telebisyon, pinakita ni Tita Midz ang iba’t ibang kultura ng bansa sa pamamagitan ng musika sa programa niya na “Aawitan Kita” noong 1970 at tumagal nang higit na tatlong dekada.

Naging host din siya ng showbiz talk show na “Let’s Talk Movies” at sariling cooking show na “Coo­king Atbp.”

Nakapag-wax din ng LP (long playing album) si Tita Midz sa ila­lim ng Villar Records (Aawitan Kita) at Dyna Records (Armida) at isa pa under Viva Records na Sa Lungkot at Saya… Aawitan Kita.

Noong 2003 ay ni-release ang CD na Pop Lola kunsaan mga cover version ng ilang paboritong song ni Tita Midz ang nilalaman nito.

Naging primera kontrabida si Tita Midz sa mga leading lady ng pelikula ng iba’t ibang henerasyon. Tulad na lang kay Nora Aunor sa mga pelikulang “Atsay,” “I Love You Mama,” “I Love You Papa” at “Ang Totoong Buhay Ni Pacita M;” Vilma Santos sa “Paano ba ang Mangarap” at I”bulong Mo Sa Diyos;” Maricel Soriano sa “Inday, Inday Sa Balitaw;” Charo Santos sa “Wanted: Pamilya Banal;” Vi­vian Velez sa “Paradise Inn,” Dina Bonnevie sa “Magdusa Ka” at Gina Alajar sa “Salome.”
Naging kontrabida rin siya kay Fernando Poe, Jr. sa pelikulang “Partida.”

Nagsilbi rin bilang chairperson of the Movie and Television Review and Classification Board (MTRC) si Tita Midz during the Estrada administration.

Naging film producer din si Tita Midz. Sa kanyang Bancom Audiovision production, prinodyus nila ang mga pelikulang “Aguila,” “Salome,” “Kisapmata,” “Jaguar” at “Brutal.”

Sa ilalim naman ng Pera Films, ginawa nila ang mga pelikulang “Mga Bilanggong Birhen” at “Laruang Apoy.”

Noong magkaroon ng Reyna Films, na-produce nito ang mga blockbuster movies na “Hihintayin Kita sa Langit,” “Ikaw pa Lamang ang Minahal,” “Ligaya ang Itawag mo sa Akin” at “Ang Lalake sa Buhay ni Selya.”

Nagawa rin nito ang mga award-winning films na “Saan Ka Man Naroroon,” “Inagaw Mo Ang Lahat Sa Akin,” “Kung Mawawala Ka Pa,” “Tatlo Magkasalo,” “Kahapon May Dalawang Bata,” “Abot-Kamay Ang Pangarap” at “Azucena.”

Nanalo ng ilang acting awards si Tita Midz para sa mga pelikulang “Sa Pagitan Ng Dalawang La­ngit,” “Tahan Na Empoy, Tahan Na,” “Ina­gaw Mo Ang Lahat Sa Akin” at “Ang Totoong Buhay Ni Pacita M.”
Ginawaran din si Tita Midz ng lifetime achievement award mula sa Film Academy of the Philippines noong 2010.

In 2015, ni-release ang autobiography na “Armida: Unfinished Memoir – The Singer and the Song.”
Sa Heritage Memorial Park sa Taguig City ang burol ni Tita Midz hanggang February 15.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy