Abante Online
Abante is the leading Tagalog-language tabloid paper in the country.

Annabelle super lungkot: Coco, KimXi, ASAP, Showtime nanganganib ipatigil

0 1,244

Malungkot si Annabelle Rama habang kausap ko noong Monday afternoon. Nanonood daw siya sa hearing ng kongreso kaugnay sa ABS-CBN franchise renewal.

Naloka si Bisaya na mukhang pati ang cable operations, pati ang ABS-CBN TVPlus, ay gustong ipatigil ng ilang kongresista. Hindi mapakali si Bisaya habang kausap ko.

“Nagte-taping pa naman sina Ruffa (Gutierrez) ng ‘Love Thy Woman’. Kung pati ‘yung Kapamilya Channel ipatitigil, saan sila ipapalabas?” dialogue ng Gutierrez matriarch.

Oo nga, masaya pa naman ang cast ng “Love Thy Woman” na nagbalik-taping na sila simula noong Sunday.

Ang mga KimXi fan pa naman ng mag-sweetheart na Kim Chiu at Xian Lim, masaya na rin na magkasama na uli ang dalawa simula noong Monday sa set ng nasabing afternoon series ng Kapamilya Channel.

Paano na lang kung biglang ipatigil din ang cable operations, pati ang ABS-CBN TVPlus ng Kapamilya network, nangangahulugan ba ‘yon na titigil na ang taping ng “Love Thy Woman”, pati ang “FPJ’s Ang Probinsyano” ni Coco Martin?

Paano na ang live episode sa Sunday ng “ASAP Natin ‘To”? Ang alam ko, may taping din sila ng ilang episodes dahil hindi nga sila nagla-libve palagi.

Tsk… tsk… tsk…

Sana ay hindi naman sila tuluyang mapatigil lalo na at bumalik na naman ang saya ng maraming subscribers ng TFC (The Filipino Channel) around the world.

Nganga sa work: Fil-Am star lalayasan na ang Pinas

Naka-chat ko ang isang Fil-Am star. Tinanong niya ako kung nasa Amerika pa ako, na sinagot ko naman ng yes at nasa Los Angeles, California pa ako.

Nagtanong siya tungkol sa situation sa California dahil nabalitaan niyang mas dumarami ang COVID-19 cases.

Yes, talagang dumami nga ang bilang ng mga nagpo-positive sa nasabing virus dahil maraming businesses na nga ang nagbukas at mas maraming mga taong lumalabas na ngayon at back to work.

“Pero depende siguro sa lugar. Depende sa pag-iingat na gagawin mo.

“Ako kasi, palaging naka-mask at umiiwas ako sa mga tao.

“I practice social distancing,” sabi ko kay Fil-Am star.

It turned out na kaya pala nagtatanong sa akin si Fil-Am star tungkol sa situation sa Amerika ay dahil nagbabalak siyang mag-move uli sa San Francisco, California.

Hindi naman ikinakaila ni Fil-Am star na nganga rin kasi siya ngayon at wala ngang trabaho.

Mukhang matatagalan pa bago magkatrabaho, kaya balak niya na pumunta muna sila ng kanyang anak sa San Francisco.

Actually, nakapagtapos naman kasi si Fil-Am star ng culinary course at certified chef siya at nagawa na rin niyang magtrabaho noon sa Las Vegas, Nevada kaya puwedeng-puwede niyang balikan ang trabahong ‘yon.

Isa kasi sa industriya na talagang naapektuhan ng COVID-19 pandemic ay ay showbiz. Sad but true!

In-house Wendys Banner – square

Leave A Reply

Your email address will not be published.