Una sa Balita

Anak sa opisyal sa dakbayan sa Tagbilaran, Bohol nasikop sa party drugs

By
0 418

Nasikop ang anak sa usa ka opisyal sa Tagbilaran City sa Bohol human kini nakuhaan ug mga party drugs nga ecstacy tablet sa gihimong buy-bust operation sa mga otoridad niadtong Sabado sa usa ka hotel sa maong siyudad.

Wala na makaalma dihang gisikop kini sa hiniusang puwersa sa National Bureau of Investigation (NBI) ug Philippine Drug Enforcement Agency (PDEA) Central Visayas ang suspek nga giilang si Eric John Borja, 26, anak ni Tagbilaran City Administrator Leonides Borja, base usab sa kompirmasyon ni NBI Bohol Director Atty. Renan Oliva.

Sa taho, usa ka buybust operation ang gihimo sa otoridad sa Crescent Hotel niadtong Sabado sa gabii.

Nasayran nga didto sila magkita sa suspek sa iyang mga kliyenye nga mopalit kaniya sa party drugs, apan wala siya masayud nga mga operatiba na diay ang iyang gika-transaksyon hinungdan sa oya g pagkasikop.

Nakuha sa suspek ang pito ka buok nga ecstacy tablet nga nagkantidad og P12,000, buy-bust money ug usa ka cellphone nga gigamit niya sa iyang transaksyon.

Pasakaan og tukmang kaso ang suspek nga gitanggong karon sa PDEA Western Visayas detention cell.

(Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy